🤣 واحد الشفار دخل للدار فالليل بغا يشفر وهاز موس لقا واحد الشيبانية فايقة.
الشفار : علاش مزال فايقة ايلا غوتي غادي نقتلك
الشيبانية: باينا فيك ولد الناس ولكن الضروف هيا لي خرجاتك لتاشفارت .
انا عندي شي باركة ديال الفلوس غادي نعطيهم ليك دير بيهم شي بيعة وشرية وبعد على هاد الحرفة ديال تشفارت
الشفار تأتر: وخا الحاجة الله يعطيك الخير
الشيبانية: لكن بعدا واش تقدر تعرف تفسر واحد الحلمة حلمتها غير دابا قبل مدخل عندي للدار
الشفار حط الموس فالارض وجلس وقالها: لا !!! ولكن نقدر نعرفها غير قولي باش حلمتي.
الشيبانية: حلمت كنت غادية وسط الغابة وخرج ليا واحد السبع كبير وبديت تنعيط وااااااااا عبد الرحيم واااااا عبد الرحيم وااااااا عبد الرحيم بالغوات وبجهد...
قال ليها الشفار: وشكون هدا عبد الرحيم ؟
عبد الرحيم ولدها سمع الشيبانية تتعيط خرج من البيت شد الشفار تهلا فيه بالعصا.
الشيبانية تتقول لولدها : باراكا عليه اعبد الرحيم راه غادي يموت فيديك.
الشفار تيغوت ويقول : غير خليه يخبط خليه يخبط علاه انا جاي نشفر ولا جاي نفسر الاحلام.
____________________
🤣 واحد عور واحد عرج مشاو يسرقو الرمان…المهم العور بقا تحت الشجرة و العرج طلع كيجني الرمان و يرمي لصاحبو فين حجرو…..العور غير واقف شاد جلايلو و الرمان اللي كيجي ليه فحجرو….واحد الساعة العرج زلق و طاح جا فحجر العور و هو يقولليه العور …زيد غير وحدا بحال هدي و نزل
____________________
🤣 قالك هادي عروسة جديدة .. جا راجلها قالها واش كاتعرفي تغسلي الدوارة ؟
قالت ليه لا .. راك عارفني مزال صغيرة و حماتي غاتعلمني كولشي من بعد ..
قاليها .. جمعي حوايجك ا بنت الناس .. واش بغيتي أمي تضحك عليا .. سيري ل داركم تا تعلمك أمك غسيل الكرشة عاد أجي و كوني مرا ..
و راه "المرا لي ماتغسل الدوارة أخدتها ف ولد الناس خسارة"
بكات و شهقات و جمعت باليزتها و ل دار بوها مشات ..
بعد اسبوع عيط ليه باباها .. اجي دي مرتك راه الامور تريگلات ..
و قبل ماتديها ل عشتها غاتاكل بولفاف من يدياتها ..
مشى العريس فرحان و هاز الراس للسما .. دخل على النسيب لقاه حاط كبش سمين وسط الدار ..
مدلو السكين و قالو : ها الحولي صردي ب گرونو .. دبح و سلخ و جبد الدوارة .. مرتك غاتوجد المجمر باش توكلك بولفاف و المبخر
حنا راسو و قال : لكن انا مانعرف لا ندبح لا نسلخ ..
تحنى الراجل على كبشو دبحو و قالو : سير عند باك يعلمك فعايل الرجال " الراجل لي مايدبح شاتو موتو احسن من حياتو .. و لي مايدبح دبيحة مايعرف سليخة اخدتو ف بنت الناس غير فضيحة "
____________________
- 🤣 ﺍﻷﺳﺘﺎﺫ : ﻟﻤﺎﺫﺍ ﺍﻟﻤﺎﺀ ﻳﺼﺪﺭ ﺻﻮﺗﺎ ﻋﻨﺪﻣﺎ ﻳﻐﻠﻲ
- ﺍﻟﺘﻠﻤﻴﺬ : ﻷﻥ ﺍﻟﺠﺮﺍﺛﻴﻢ ﺗﻄﻠﺐ ﺍﻟﻨﺠﺪﺓ
- ﺍﻷﺳﺘﺎﺫ : ﻓﺴﺮ ﻟﻲ ﻟﻤﺎﺫﺍ ﺍﻟﻘﻄﺎﺭ ﻣﻬﻢ ؟
- ﺍﻟﺘﻠﻤﻴﺬ : ﻷﻥ ﺗﺤﺘﻪ ﺧﻄﺎﻥ
- ﺍﻷﺳﺘﺎﺫ : ﻣﺘﻰ ﻳﺘﻜﻮﻥ ﺍﻟﻨﺪﻯ ؟
- ﺍﻟﺘﻠﻤﻴﺬ : ﻋﻨﺪ ﺩﻭﺭﺍﻥ ﺍﻷﺭﺽ ﺗﺘﻌﺐ ﻓﺘﻌﺮﻕ ﻓﻴﺘﻜﻮﻥ ﺍﻟﻨﺪﻯ
- ﺍﻷﺳﺘﺎﺫ : ﻣﺎ ﻫﻲ ﺍﻟﺜﻮﺭﺓ ؟
- ﺍﻟﺘﻠﻤﻴﺬ : ﺯﻭﺟﺔ ﺍﻟﺜﻮﺭ ﻳﺎ ﺃﺳﺘﺎﺫ
- ﺍﻷﺳﺘﺎﺫ : ﻣﺎ ﺗﻌﺮﻳﻒ ﺍﻟﺼﺨﻮﺭ ﺍﻟﺮﺍﺳﺒﺔ ؟
- ﺍﻟﺘﻠﻤﻴﺬ : ﻫﻲ ﺍﻟﺘﻲ ﺗﺪﺭﺱ ﻃﻮﺍﻝ ﺍﻟﻌﺎﻡ ﻭﻻ ﺗﻨﺠح
- ﺍﻷﺳﺘﺎﺫ : ﻣﻦ ﻫﻮ ﺍﻟﻤﻨﺎﻓﻖ ؟
- ﺍﻟﺘﻠﻤﻴﺬ : ﻫﻮ ﺍﻟﺬﻱ ﻳﺪﺧﻞ ﺍﻟﻤﺪﺭﺳﺔ ﻣﺒﺘﺴﻤﺎ
- ﺍﻷﺳﺘﺎﺫ : ﻣﺎ ﻫﻲ ﺍﻟﻮﺣﺪﺓ ؟
- ﺍﻟﺘﻠﻤﻴﺬ : ﻫﻲ ﺍﻟﻄﻨﺎﺵ ﺍﻟﻘﺪﻳﻤﺔ
- ﺍﻷﺳﺘﺎﺫ : ﻋﻼﺵ ﻣﺎ ﺟﻴﺘﻴﺶ ﻟﺒﺎﺭﺡ ؟
- ﺍﻟﺘﻠﻤﻴﺬ : ﺑﺎﺑﺎ ﻛﺎﻥ ﻛﻴﻀﺮﺏ ﺧﻮﻳا
- ﺍﻷﺳﺘﺎﺫ : ﺃﻭ ﻧﺘﺎ ﻣﺎﻟﻚ ؟
- ﺍﻟﺘﻠﻤﻴﺬ : ﻛﺎﻥ ﻛﻀﺮﺑﻮ ﺑﺼﻨﺪﺍﻟﺘﻲ
- ﺍﻷﺳﺘﺎﺫ : ﺩﻳﺮ ﻟﻴﺎ She has ﻓﻲ ﺟﻤﻠﺔ
- ﺍﻟﺘﻠﻤﻴﺬ : ﺷﻲ ﻫﺎﺯ ﺍﻟﻠﺤﻢ ﻭﺷﻲ ﻫﺎﺯ ﺍﻟﻬﻢ
- ﺍﻷﺳﺘﺎﺫ : ﺑﺎﺵ ﻛﺘﺤﻠﻢ ؟
- ﺍﻟﺘﻠﻤﻴﺬ : ﻛﻨﺤﻠﻢ ﻧﺸﺪ 1000 ﺩﺭﻫﻢ ﻑ ﺍﻟﺸﻬﺮ ﺑﺤﺎﻝ ﺍﻟﻮﺍﻟﻴﺪ
- ﺍﻷﺳﺘﺎﺫ : ﻋﻼﺵ؟ ﺑﺎﻙ ﻛﻴﺸﺪﻫﻢ ؟
- ﺍﻟﺘﻠﻤﻴﺬ : ﻻ، ﺣﺘﻰ ﻫﻮ ﻏﻴﺮ ﻛﻴﺤﻠﻢ
- ﺍﻷﺳﺘﺎﺫ : ﻣﺎ ﻫﻮ ﺍﻟﻔﺮﻕ ﺑﻴﻦ ﺍﻟﺒﻘﺮﺓ ﺍﻟﺒﻴﻀﺎﺀ ﻭﺍﻟﺒﻘﺮﺓ ﺍﻟﺴﻮﺩﺍﺀ ؟
- ﺍﻟﺘﻠﻤﻴﺬ : ﺍﻟﺒﻘﺮﺓ ﺍﻟﺒﻴﻀﺎﺀ ﺗﻌﻄﻴﻨﺎ ﺍﻟﺤﻠﻴﺐ ﻭﺍﻟﺒﻘﺮﺓ ﺍﻟﺴﻮﺩﺍء
ﺗﻌﻄﻴﻨﺎ ﺍﻟﻘﻬﻮﺓ
ﺍﻷﺳﺘﺎﺫ ﺍﻵﻥ ﻓﻲ المستشفىﺍﻷﻣﺮﺍﺽ العقلية.
====================
🤣 ﻭﺍﺣﺪ ﺟﻮﺝ ﺩﺧﻠﻮﺍ ﺍﻟﺴﻴﻨﻤﺎ وﺟﻠﺴﻮﺍ مورا واحد الصلع 💪.
ﺷﻮﻳﺔ ﻭﺍﺣﺪ ﻗﺎﻝ ﻟﺜﺎﻧﻲ : ﺷﺤﺎﻝ ﺗﻌﻄﻲ ﻧﻤﺮﻣﻘﻬﺎ✋ ﻣﻊ ﻫﺎﺩ ﺍﻟﺼﻠﻊ ﻟﻲ ﻗﺪﺍﻣﻨﺎ ..
ﻗﺎﻝ ﻟﻴﻪ: ﺟﺎﺗﻚ 100 ﺩﺭﻫﻢ.
ﺧﻮﻧﺎ ضرب ﺍﻟﺼﻠﻊ ﻣﺮﺭﺭﺭﺭﺭﺭﺭﺭﻣﻼﻕ !!
ﺻﻠﻊ ﺩﺍﺭ ﻋﻨﺪﻭﺍ ﻣﺨﻠﻮﻉ مفهم والو. وهو ﺧﻮﻧﺎ لي ضربو زرب عليه وقالو: ﻭﻓﻴﻴﻴﻴﻴﻴﻴﻴﻴﻴﻴﻴﻦ ﺍ عباس!!!
ﺻﻠﻊ : ﺃﻧﺎ ﻣﺎﺷﻲ عباس 😠😠
قالو : سمح ليا. يسحابلي صاحبي عباس.
دازت 5 دقايق وﺧﻮﻧﺎﻋﺎﻭﺩ ﻗﺎﻝ ﻟﺼﺎﺣﺒﻮ ﺷﺤﺎﻝ ﺗﻌﻄﻲ ﻧﻌﺎﻭﺩ ﻧﻤﺮﻣﻘﻮ !!...
ﻗﺎﻝ ﻟﻴﻪ ﺟﺎﺗﻚ 200 ﺩﺭﻫﻢ.
ﺧﻮﻧﺎ وهو يجمع معاه: ﻣﺮﺭﺭﺭﺭﺭﺭﺭﺭﺭﺭﺭﺭﺭﻣﻼﻕ ....
ﺻﻠﻊ ﺩﺍﺭ ﺗﺎﻧﻲكاعي ﻭهو يقولو خونا: وﺍﻟﻠﻪ ﺣﺘﻰ ﺃﻧﺖ ﻫﻮ عباس !! غي كتكذب علي.
ﺻﻠﻊ : ﻫﺎﻙ ﺷﻮﻑ ﻻﻛﺎﺭﻁ ﺷﻜﻮﻥ ﻫﺎﺫﺍ ﺃﻧﺎ ﺑﺮﺍﻫﻴﻢ ﻣﺎﺷﻲ عباس ﻭﻗﻠﺐﻋﻠﻴﺎ ...
ﺧﻮﻧﺎ ﺳﻤﺢ ﻟﻴﺎ ﺑﺰﺍﻑ ﺳﺒﺤﺎﻥ ﺍﻟﻠﻪ كتشبه ﻟﻴﻪ ﺑﺰﺍﻑ ؟؟؟...
ﺻﻠﻊ طلعو دم هو يبدل بلاصتو وطلع لفوق.
ﺧﻮﻧﺎ ﻗﺎﻝ ﻟﺼﺎﺣﺒﻮ : شحال تعطي ﻧﻌﺎﻭﺩ ﻧﻤﺮﻣﻘﻮ !!
ﻗﺎﻝ ﻟﻴﻪ صاحبو: نعطيك 500 درهم ﻭﻟﻜﻦ ﺃﻧﺎ ﻣﺎﻏﺪﻳﺶ ﻧﻔﻜﻚ ﻻ ﺧﻼ ﺩﺍﺭ ﺑﻮﻙ؟
ﺧﻮﻧﺎ ﻗﺎﻝ ﻟﻴﻪ : ﻏﻴﺮ ﻣﻴﺰﻱ ﻭﺧﺮﺝ ﻣﻨﻬﺎ ...
ﺧﻮﻧﺎ ﺷﺪ ﺍﻟﻔﻠﻮﺱ. وطلع لفوق ﻭﻫﻮ ﻳﻤﺮﻣﻖ ﺍﻟﺼﻠﻊ ﺣﺘﻰ ﻃﺎﺭ ﺍﻟﻌﺮﻕ ﻣﻦ ﺍﻟﺼﻠﻌﺔ ديالو ﻭﻫﻮ ﻳﻘﻮﻝ لو: عباس ! ﺃﻧﺖ ﻫﻨﺎ ﻭﻣﺨﻠﻴﻨﻲ ﻛﺎﻥ ﻣﺮﻣﻖ ﻓﻮﺍﺣﺪ ﻣﺴﻜﻴﻦ ﺳﻤﻴﺘﻮﺍ ﺑﺮﺍﻫﻴﻢ.
ليست هناك تعليقات:
إرسال تعليق